Kulamo kusaabsan sii xoojinta amniga magaalada iyo maaraynta cidhiidhiga ka jira dhanka isku socodka gaadiidka iyo dadka ayaa loo qabtay ciidamada taraafikada, minishiibiyada iyo sida oo kale macalimiinta ka hawlgala Mamulka magaalada Jigjiga.

Kulamadani oo ay shir gudoominayeen Madaxa Dambi ka hortagga DDS, G/S Maxamuud Xasan Mursal iyo Hoggaanka Nabadgelyada Maamulka Magaalada Jigjiga Mudane. Muxumed Cabdi ayaa lagaga hadlayay sidii loo furi lahaa wadooyinka loogu talogalay gaadiidka ee ay shacabku dhigtaan alaabta ay iibinayaan, maadaama ay fooda inagu soo hayso Ciidul Fidriga iyo sidii macalimiintu kaalintooda uga qaadan la haayeen sugida iyo adkaynta amniga Deegaanka, iyadoo la isla meel dhigay in qof walba guto waajibaadka amni ee saaran si loo sii dardargaliyo neecawda amni ee shacabka Deegaanku ku naaloonayo. Guriga ayaana su,aalo la xidhidha sidii la iskaga kaashaan lahaa amniga iskuguna xidhnaan la haayeen booliska iyo macalimiinta soo dhigay halkaasi iyadoo gabogabadiina la isla qaatay in meel looga soo wada jeedsado amniga caasimadda iyo ka Deegaankaba.